Bu il Yaponiya hökümətinin valyuta bazarlarına etdiyi müdaxilələrə baxmayaraq yenanın məzənnəsi digər valyutalar qarşısında yüksəlmişdir. Yaponiyanın dövlət borcu isə ÜDM həcmini 2 dəfə üstələyir. "Maliyyə bazarlarında risk maraqlarının azaldığı bir vaxtda kapitalın qorunması investorlar üçün mənfəətdən daha önəmlidir. Bu səbəbdən qiymətlərində dalğalanma səviyyəsi aşağı olan aktivlərə qarşı maraq artır" - Tokiyodakı Brown Brothers Harriman valyuta strateqi Masaşi Murata bildirir. "Avropa və ABŞ-da iqtisadi göstəricilərin aşağı düşdüyü bir vaxtda yena investorların tələbinə cavab verən yeganə likvid valyutadır" - o, əlavə etmişdir.
