Dünən ticarət sesiyası ərzində İsveçrə frankının avro və dollar qarşısında məzənnəsi ucuzlaşmışdır. Bunun başlıca səbəbi İsveçrə Maliyyə Nazirliyi rəsmilərinin milli valyutanın ucuzlaşdırılması istiqamətində yeni tədbirlərin həyata keçiriləcəyi ilə bağlı açıqlmaları olmuşdur. Ölkə rəsmiləri açıq şəkildə bildirirlər ki, İsveçrə Mərkəzi Bankı baha frank probleminə ciddi şəkildə fokuslanmışdır və bu problemin həlli istiqamətində yeni tədbirlər paketi həyata keçirilməyə davam edəcəkdir. Lakin edilən açıqlamalar investorların frankla bağlı mövqelərinə ciddi təsir göstərə bilməmişdir. Belə ki, bazar iştirakçılarının böyük əksəriyyəti bu qənaətdədirlər ki, İsveçrə MB-nın narahatlıqları bahalı frankla deyil, daha çox ucuz avro ilə bağlıdır.
