USD/JPY məzənnəsində satış siqnalları artır 07.09.2010 12:12

Nomura Securities strateqlərinin fikrincə, dünya iqtisadiyyatının inkişaf perspektivləri ilə bağlı qeyri-müəyyənliklər və investorlarda narahatlıqların artması Yapon yenasının məzənnə artımına şərait yarada bilər. Şirkət mütəxəssisləri həmçinin ABŞ dövlət borc sənədlərinə qarşı təzyiqlərin artdığına da diqqət çəkirlər. Bu isə USD/JPY satıcıları üçün əlavə pozitiv siqnaldır. Nomura Securities analitiklərinin fikrincə, hazırkı şəraitdə USD/JPY məzənnəsində daha neqativ dinamika yarana bilər. Qeyd edək ki, şirkət bu ilin sonunadək USD/JPY məzənnəsi üzrə proqnozlarını Y87.50 səviyyəsindən Y82.50 səviyyəsinə endirmişdir. Bununla yanaşı, mütəxəssislər 2011-ci ilin birinci rübündə USD/JPY məzənnəsinin Y80 səviyyəsini test edə biləcəyini də qeyd edirlər.