Bu gün ticarət sesiyası ərzində Avstraliya dollarının məzənnəsi 1.075 səviyyəsinədək yüksəlmiş və bundan sonra qiymətlərdə korreksiya yaranmışdır. Dilerlərin böyük əksəriyyəti alıcılara ehtiyatlı davranmağı tövsiyyə edirlər. İlkin müqavimət həddi 1.0.765 səviyyəsi ətrafındadır. Bu səviyyənin qırılması qiymətlərin 1.08 səviyyəsinədək artımına şərait yarada bilər. Westpac analitiki Şon Kellonun fikrincə son bir neçə həftə arzində Avstraliya dollarının məzənnəsində kifayət qədər ciddi artım dinamikası yaranmışdır. Dünya iqtisadiyyatının inkişaf tempi ilə xammal qiymətləri arasındakı diferensial fərqi nəzərə alaraq hazırda Avstraliya dollarının məzənnəsi ifrat alış səviyyəsindədir. Bunu nəzərə alaraq Westpac analitikləri yaxın günlərdə AUDUSD məzənnəsində korreksiya proqnozlaşdırırlar. Korreksiya istiqamətində ilkin hədəf 1.03 səviyyəsidir.
