WTI markalı neftin qiyməti 6 həftəlik minimum səviyyəsindədir 08.02.2012 12:14

ABŞ-da neft ehtiyatları ilə bağlı göstəricilərin dərci ərəfəsində WTI markalı neftin qiymətində geriləmə müşahidə olunur. Belə ki, investorların böyük əksəriyyəti neft ehtiyatlarının artımla dərc ediləcəyini proqnozlaşdırırlar. Commerzbank analitiklərinin fikrincə bazar təklifə doymuşdur və bu neft qiymətlərinə mənfi təsir göstərir. İranla bağlı gərginliklər isə Avropada Brent markalı neftin qiymətinə müsbət təsir göstərir. Beləliklə, Nyu-York ticarət sesiyasının nəticələrinə əsasən WTI markalı neftin qiyməti 80 sent ucuzlaşma ilə hər barrelə görə 96.11 dollar səviyyəsinə enmişdir. Londonda Brent markalı neftin qiyməti isə əksinə, 44 sent artımla hər barrelə görə 116.37 dollar səviyyəsinə yüksəlmişdir.