Əmək bazarı ilə bağlı göstəricilərAvstraliya dollarının məzənnəsinə müsbət təsir göstərir 16.02.2012 11:31

Yanvar ayı üzrə əmək bazarı ilə bağlı göstəricilərin dərcindən sonra Avstraliya dollarının məzənnəsində artım yaranmışdır. Belə ki, yanvar ayında proqnozlaşdırılan 10 000 səviyyəsi ilə müqayisədə Avstraliya iqtisadiyyatında 46 300 yeni iş yeri yaradılmışdır. Dekabr ayı üzrə göstəricilərə isə eniş istiqamətində yenidən baxılmışdır. Belə ki, dekabr ayında iş yerlərinin sayında azalma daha öncə dərc edilən 29 300 səviyyəsi ilə müqayisədə 35 600 səviyyəsində açıqlanmışdır. Yanvar ayında ölkədə işsizlik səviyyəsi gözlənilmədən 5.1% səviyyəsinədək azalmışdır. Qeyd edək ki, dekabr ayında işsizlik səviyyəsi 5.2% təşkil etmişdir.