Yunanıstan baş nazirinin ölkə borcunun yenidən strukturlaşdırılması istiqamətində müsbət irəliləyişlərin olması ilə bağlı açıqlamalarından sonra WTI markalı neftin qiyməti dünənki ticarət sesiyası ərzində yanvar ayını artımla başa vurmuşdur. Səhm qiymətlərindəki artım və dolların məzənnə itkisi isə neft qiymətlərində artıma əlavə stimul vermişdir. Analitiklərin böyük əksəriyyəti bu gün ticarət sesiyası ərzində də neftə qarşı marağın böyük olacağını ehtimal edirlər. Nyu-York ticarət sesiyasının nəticələrinə əsasən neft qiymətləri 1.91 dollar artımla hər barrelə görə 100.69 dollar səviyyəsinə yüksəlmişdir. Qeyd edək ki, yanvar ayında neft qiymətlərində artım 1.4% təşkil etmişdir ki, bu da 2006-cı ildək etibarən ən yüksək aylıq artımdır. Londonda Brent markalı neftin qiyməti isə 1.53 dollar artımla hər barrelə görə 112.28 dollar səviyyəsinə yüksəlmişdir.
