Yaponiya MB rəhbəri Masaaki Şirakava bu gün etdiyi açıqlamasında etiraf etmişdir ki, deflyasiya və baha yena səbəbindən ölkə iqtisadi hazırda ağır durumdadır. Bu isə yaxın gələcəkdə Yaponiya MB-nın monetar stimullaşdırma tədbirlərini həyata keçirə biləcəyinə işarə edir. "Biz etiraf edirik ki, mövcud deflyasiya səviyyəsi və yenanın məzənnə artımı Yaponiya üçün ağır problemdir. Mövcud durumu ciddi şəkildə analiz edərək Yaponiya MB müvafiq tədbirlər həyata keçirəcəkdir" - çıxışı zamanı Şirakava qeyd etmişdir.
Baş nazir Esixiko Nodanın da fikrincə iqtisadi artımı bərpa etmək üçün Yaponiya höküməti deflyasiya problemlərini həll etməlidir. Bu hazırda hökümətin başlıca hədəfidir. Dollar və avro kimi valyutalara qarşı investorların inamının azalması nəticəsində yenanın məzənnəsində yaranmış artıma toxunan maliyyə naziri Motoxisa Furukava qeyd etmişdir ki, ölkələr süni devalvasiya ilə iqtisadi inkişaflarına təkan verməli deyillər. "Biz ədalətli mühitdə rəqabət aparmalıyıq" - parlamentin toplantısında o, bildirmişdir.
