Bu gün Asiya bazarlarında artım yaranmışdır. Avropada səhm qiymətlərinin artımı və xammal qiymətlərindəki artım investorların aktivliyinə müsbət təsir göstərir. Fransanın kredit reytinqinin aşağı salınmasından sonra büdcə borc sənədlərinin uğurla yerləşdirilməsi investorların bu ölkə ilə bağlı narahatlıqlarını bir qədər azaltmışdır. Sinqapurdakı IG Markets iqtisadçısı Castin Xarperin fikrincə Fransa ilə bağlı xəbərlərin narahatlıqları bir qədər azaltmasına baxmayaraq Yunanıstandakı borc problemləri gündəmdə qalmağa davam edir. Nikkei Stock Average indeksində 0.4%, S&P/ASX 200 indeksində 1%, Kospi Composite indeksində 1.4%, NZX-50 indeksində isə 0.2% artım yaranmışdır.
